|
Post by sunni89 on Nov 12, 2008 7:35:15 GMT
Aslam o Alaikum, Mein Urdu mein aik Question karna cahta hon aur Imam Sahib say meri request hai ke uss ka answer Urdu mein dein kyon ki meri English itne achi nhi ke mein samajh paon ga. Meine yeh pochna tha ke Sawad-e-Azam ka sahi matlab kya hai aur Ahl-e-Sunnat Sawad-e-Azam kaisy hain ? Ahl-e-Sunnat Sawad-e-Azam hein tu kya Ahl-e-Sunnat hamesha Sawad-e-azam rahain gai ? JazakAllah!
|
|
|
Post by Imam on Aug 26, 2009 20:42:52 GMT
Bismillahir Rahmanir Raheem
Wa'alaykum 'Assalam wa Rahmatullahi wa Barakatuhu All Praise be to Allah who is the Lord of the Worlds, and may Endless Blessings be showered upon His Most Beloved, and Final Messenger of Islam, Hadrat Muhammad Mustafa (Salla Allahu ta'ala 'alayhi wa aalihi wa Sallam)Sawad-e-Azam ahl-as-Sunnah wal Jama'ah woh wahid group heh jis ko firqa tun najiyyah (nijat wala firqah bhi kehte hein). Ya'ni jo Allah Azzawajal aur Nabi Karim Salla Allahu 'alayh wa sallam kay rastay aur uss raste pay jo khulafa' e Rashidin al Mahdiyyin ka bataya huwa rasta ho. Sawad lafaz waysay bohat se ma'ani mein istimal hota heh, masalann kisi zil'e ko bhi sawad kaha jata hay. Jaisay sawad ul Iraq, (Iraq ka zil'ah), lekin ye lafaz Hadrat 'Umar Radi Allahu anhu ke dhor mein shuru' huwa tha jab bayt-ul-Mal ka ard aur tul uss ke kawa'id aur lawazim ke bena par lafaz sawad uss elaqe ko kaha jata tha. Abb sawad-e-Azam se murad wahi hai jo hum ne pehle paragraph mein bataya. Ahl-as-Sunnah sawad-e-A'zam sab maslak-e-haqq par hein ya'ni ek khuda ko man'na, aur nabi pak Salla Allahu 'alayh wa sallam ko akhri nabi ma'na. Un ke bataye huwe tariqe ko apnana, aur usi par amal karna. Kisi ki tawhin na karna aur na kisi par kufr ya shirk ka dhabba lagana, uss waqt tak ki jab tak koi wazih dalil pesh na ho. Chunke ahl-as Sunnah wal jama'ah ko hi sawad-e-a'zam se ta'bir kiya giya hay iss liye jab tak ahl-as-Sunnah wal Jama'ah baqi heh, yahi sawad-e-A'zam rahen geh. Allah ta'ala maslak-e-haqq ahl-as-Sunnah wal Jama'ah par hamesha qa'im o da'im rakhe, aur inke bataye huwe raste par chalaye. (Amin). Jazak'Allah for your question. Wallahu A'lamu BiththawaabM. Waseem Ashrafi
|
|