dream...bohat udas rehna.......

[wafa]

Assalam kuch din pehle main ne ek khuwab dekha. us khuwab mai main ek onche jaga pe bethe ho...bohat ache jaga hote hai. her taraf ache nazare hote hai. lekin main bohat udas bethe hote ho. mere side main mere ammi bethe hote hai. us waqt barish ho rahe hote hai. main bohat udas hote ho. kyon ke mujhey kisi ke bohat yaad aate hai.us ke jis se main pyar kerte ho. main ne kisi ko us ke bare main nahe bataya.main apne khayalo main koi hote ho aur kisi ki baat per bhi tawaja nahe dete. mere side main mere ammi bethe hote hai. woh mujhse udas hone ke waja pochte hai lekin main koi jawab nahe dete, bas chup chap waha bethe hote ho. ammi mujhse bar baar pochte hai lekin main koi jawab nahe dete aur use tarah udas bethe hote ho. aher main ammi kehte hai, ke khuda ke liye kuch bholo tumhare yeh hamoshi tumhe maar dale ge. kuch der ke liye main kuch nahe kehte, lekin phir ammi ko udas dekh ker main apne jaga se utt jate ho aur bacho ke saath baith ker batein kerte ho aur hanste ho. yeh sab es liye kerte ho ke ammi ko takleef na ho aur woh udas na ho. phir mere ankh khulte hai. kya app please bata sakte hai ke es ka kya matlab hai.

[Imam]

Bismillahir Rahmanir Raheem

Wa'alaykum 'Assalam wa Rahmatullahi wa Barakatuhu


Sub ta'rifen Allah ke liye jo bohot hi meharban nihayat reham farmani wala hai, aur hazaron durud aur salam, hamare aqa par jo dono jahano ke tajadar hen, (Salla Allahu ta'ala 'alayhi wa Sallam).


Aap ka post parh kar mujhe bohot ta'ajjub huwa ke dunya ke sab sawalon men aap mujh se sirf ek khwab ke bare men puch rahi hen, halan ke aap ko chahiye tha ke aap mujh se koi madhabi sawal karti, kuch sabaq leti aur kuch seekhti.


Mohabbat ki jo baten hoti hen woh fana honi wali hen, aur sirf ek hi muhabbat baki rehne wali hay, aur woh hai Allah ta'ala ki mohabbat, aur us ke pyari habib (Salla Allahu ta'ala 'alayhi wa Sallam) ki mohabbat.


Ye unchi jaghun pe rehna aur nazaray karna, aur udhas rehne ye sub dunyawi baaten hen. In se kuch fa'ida nahi hoga. Behtar yahi he ke aap Allah ta'ala ko haqiqi ma'bud maan kar, aur nabi paak alayhis salam pe sahih yaqin rakh kar, Allah ta'ala ki 'ibadat men mashghul rahen. Uss ka dhikr karen, namaz parhen, Qur'an paak ki tilawat karen, aur dusron ko bhi iss baat ka hukm den.


Ye baaten tumhe dunya men bhi kaam ayen ge aur akhirat men bhi. Ye baaten jo hen abd tak haqq hen aur abd tak rahen gi. Baqi rahi dunya ki muhabbat, to wo aaj kisi se, aur kal kisi aur se, tabdiliyan ati rahen ghi lekin tumhe tumhara mehboob na mile ga.


Tum aysi muhabbat kyun nahin karti, ke jis men tum muhib ko itna hi chaho, jitna mehboob tumhe chahe. Kyun ke aysi habib sirf hamare aqa-e-namdar, habib-e-parwardigar Nabi paak (Salla Allahu ta'ala 'alayhi wa Sallam) hi hen, unse ziyada cahne wala, aur unse ziyada chaha huwa tumhe kabi nahin milega.


Wo tumhe sab kuch denge, roti pani, ghar bahar, man baap, aulad iman, behan bhai, algharaz jo kuch bhi mango ge unhi ke sadqe se mile ga, aur jo tum udhas rehti ho, aur akeli rehti ho, aur khawab dekhti ho, inn baaton ko ab chhor do, kyunke ye tumhe kaam nahin ane walin, balke tumhen, tumhare waqt ko, tumhare future ko ek damm tabah aur berbad kardengi, aur phir jab aap roin gi, to tumhe koi chup karane wala bhi nahin mile gaa.


Inn baton se tawba karo, istighfar karo, aur mafi mango, aur Allah ke aur uss ke Habib (Salla Allahu ta'ala 'alayhi wa Sallam) ke huzur unn se maafi mango, ke ayindha men kabhi bhi:

a) udhas nahin rahun ghi
b) hamesha namaz, dhikr, aur istighfar karun ghi
c) dunya ki muhabbat men, kabhi bhi gum nahin hungi, aur Allah aur Allah ke Rasul (Salla Allahu ta'ala 'alayhi wa Sallam) se hi khalis muhabbat rakhun gi. Khuoob soch lo.


Baqi Allah tumhare liye tumhari zindagi men asaaniyan peda kare, aur uss ki aur uss ke Rasul (Salla Allahu ta'ala 'alayhi wa Sallam) ki muhabbat pe qa'im rakhe (amin)


Khuda Hafiz


M. Waseem Ashrafi